الأحد، 9 أغسطس، 2009

ألف مبروووووووووك ... فيلم جميل بدرجة أنسانى


ألف مبروك فيلم شفته من أسبوعين أو أكتر مش فاكره بس الأكيد أنى شفته فى أسبوعه الأول، وكل يوم أقول أنا هكتب النهاردة عنه بس ملئيش كلام أقوله، لأنى ببساطة ضحكت .. أتفاجئت .. فكرت .. أتصدمت .. و حزنت فى أخر ربع ساعة منه.
خطوة جديدة ل أحمد حلمى وأكيد تحسب له، أكد بيها نجاحه بعد أسف على الأزعاج واللى بيعتبر أجمل وأقوى أفلام حلمى حتى الأن، الجميل أنه بيأكد كمان على أن نجاح أسف على الأزعاج مكنش مجرد صدفة فنية أجتمع فيها سيناريو هايل مع مخرج موهوب وفنان ذكى فى فيلم واحد.
لسه برده بلف وبدور ومش بكتب حاجه عن ألف مبرووووك، طيب نحاول كده نقول حاجه؟؟؟
- ألف مبروك فيلم فلسفى جدااا وواقعى فى نفس الوقت بالرغم أنه كله بيعتمد على فكرة الحلم وتأثيره على الأنسان، وفكرة الأحلام اللى بتتحقق فى الواقع.
- ألف مبروك فيلم بيقول لكل أنسان أنانى أنت مش عايش لوحدك فى حوليك ناس كتير لازم تحطهم قدام عينيك وتخلى بالك منهم وتغوص فى مشاكلهم وتحاول تتخلى عن الجزيرة اللى ممكن تكون عايش فيها لوحدك بعيد عنهم.
- ألف مبروك فيلم بيأكد على أن سوء ظن الأنسان فى الناس اللى حوليه بيوصله لنتايج عادة سيئه فيكفى أن تجرح مشاعرهم، ومشاعرك أيضا بتحطيم صورهم بداخلك بالرغم من أن الموضوع لا يستدعى كل ده.
- ألف مبروك فيلم بيوضح أن الأنسان فى أحيان كثيرة بيحتاج لنوع من المغامرة فى حياته، وأن اللعب على المضمون عادة مش بيبقى مضمون ( وده ظهر فى عمله كمحاسب فى البورصة ).
- ألف مبروك فيلم بيؤكد بشدة على أن الأنسان يستطيع أن يغير واقعه اذا أراد ذلك، ولو كان يملك الأرادة اللى تساعده على كده، لكن فى نفس الوقت ميقدرش يمنع قدر.
- ألف مبروك فيلم بيقدم وصفة سحرية للأعتذار للغير لو كنت مخطئا فى حقه، وانك تكون أكثر رقه وعذوبه وأن تفعل شيئا وان كان صغيرا ولكنه فى الحقيقة كبيرا فى قلوب الأخرين ( مشهد حلمى لما حلق شعره لمجرد أنه يقول لمامته أنا أسف أنى جرحتك لسوء ظنى ).
ومش ممكن هخلص كتابه عن الفيلم الا لما أقول أن فى كتير من النقاد أو الجمهور أنتقدوا المشهد الأخير فى أن حلمى كان ممكن ينقذ عيلته من غير ما يموت وأن فى وقت كان متاح ليه .. والرد فى الأتى:

المشهد ده فى الواقع ميخدش ثوانى واللى فيها ميقدرش الأنسان مش بس أنه يتصرف صح لا وكمان يلحقهم فعلا، أما فى السينما أعتقد أن فى حاجة بتقول فن تكثيف اللحظه مش عارفه التعبير ده صح ولا غلط بس عموما هو بيعنى أن المخرج بيطول المشهد شوية عشان ياخد أطول وأعمق تعبير للممثلين والمشهد ده المفروض فيه 4 ممثلين، وده عشان المشهد يبقى له تأثير ميلودرامى أكبر.
و أخيرا .... ألف مبرووووووووووك ليك يا حلمى يا أذكى فنان فى مصر المحروسة كلها.

ملحوظه : نفسى أعيش لحد ما يبقى عندى 100 سنه ...... أنا قررت أغير الواقع.

هناك 7 تعليقات:

  1. تحفة يا مها بجد
    بس بصراحة برضه نهاية الفيلم مش مقنعة قوي، لكن ممكن انها بتعبر عن تغير شخصيته من الأنانية إلى التضحية من أجل أسرته

    بس تحليلك للفيلم جميل جدا

    اسلام ماهر

    ردحذف
  2. film 7elw awiiiiiiiiiiiiiiiiiiiiii 3agbne gaden
    Ahmed El Zemranyel

    ردحذف
  3. keep it up 7elme
    Mina Michel

    ردحذف
  4. men agmad aflam a7mad 7elmy
    Shehab Ahmed

    ردحذف
  5. فيلم جاااااااااااااااااامد
    Hamada Mossaad

    ردحذف
  6. ya 7elmy ya gaaaaaaamed

    ;)Noran Ebrahim Ghanem

    ردحذف
  7. al flem helo aweeeeeeeeeee
    Amera Mostafa

    ردحذف