الاثنين، 5 أكتوبر، 2009

غريبة الناس ... أغنية جديدة وسط أغانى مكرره


غريبة الناس أغنية جديدة تؤكد على أن الأغنية ممكن تنجح جدااااا حتى لو كانت مش أغنية موجه للحبيب، يعنى طول النهار أغانى حب وهجر وخصام وصلح شغاله طول النهار فى التليفزيون، وتلاقى فى وسط كل ده أغنية رقيقة زى غريبة الناس، واللى الحقيقة أول ما سمعتها قبل ما تتصور من شهور توقعت من كلماتها أنها بتتغنى برضه للحبيبة الخائنة اللى سابت حبيبها، لكن جاء تصوير الأعنية عكس تصورى الأول للأغنية واللى بيغنيها أخ لأخوه اللى ضحى علشانه كتير وبيعاتبه فيها على جحوده معاه، فكرة أنك تحول أغنية ممكن تتغنى للحبيب الى أغنية موجه للأخ أو الأم أو الأب أو الأبن زى أغنية عمرى معاك لأنغام أو حتى الوطن زى أغنية بحبك وحشتينى للشاعر أيمن بهجت قمر والملحن وليد سعد واللى بيتعاونوا ويقدموا لنا دلوقتى غريبة الناس أعتقد أنها فكرة ناجحة وبتدى للأغنية بعد أعمق وأصدق وأنجح وبتأكد على أن الناس فى حياتنا مش بس الحبيب اللى اتهرينا غنى ليه، لا فى ناس كتير برضه تستحق الغنى ليهم.

ملحوظه : تحية للمخرج فادى حداد.

ليست هناك تعليقات:

إرسال تعليق