الاثنين، 22 يونيو 2009

عمرو أديب ... بتعتذر بعد أيه ؟؟؟؟


عمرو أديب تفتكر هو ده الأعلام، أعلام الأثارة واللعب على مشاعر المشاهد، ولما أنت بتحب مصر قووووى كده طاب مش كان الأولى أنك تكون أكثر هدوئا ورحمه و أنت بتحاكم منتخب بلدك على الهوا و أمام عشرات الدول العربية اللى بتتفرج عليك ..

بتقول أن ده شغلك وما معناه أنك حققت السبق على باقى القنوات، ويا ترى كان ثمن السبق ده أيه؟؟؟؟

و أرجع تانى و أسألك هو ده الأعلام ؟؟؟؟؟؟؟؟ ده أعلام الفضايح.

يا ريت برامج التوك شو ترحمنا شويه بجد، عمركوا شوفتوا بلد عربى غيرنا كل يوم يطلع على شاشات تليفزيوناته بكل أنواعها الفضائية منها والأرضية وفى ساعة واحدة الساعة الملعونة العاشرة من مساء كل يوم كل هذا الكم من الفضايح.

نفسى أشوف فضيحه واحدة لأى بلد عربى قبل ما أموت، نفسى أشوف بلد عربى بيظهر فيها برامج توك شو بمعدل برنامجين فى السنه و أكتر متخصصين بس للفضايح.

أرجوكم أرفعوا أيديكم عن مصر.

ليست هناك تعليقات:

إرسال تعليق