يووووه
ما تجيب قناة تانية
زهقت م التوك شو
نفس الكلام ده قالوه
نفس الحدث متعاد
والاختلاف فى الاسم
مش برضه نفس الشعب
والنهب هو النهب
والضيف ده لساه جاى
من شهر أو أكتر
عمال بيستفسر
إزاى أخونا البعيد
أخد الفلوس برّه
وكمان سافر لندن
سيناريو متكرر بالنص آخر مرة
وتعليق المذيع
كان برضه فيه حسرة
ونفس نوبة الضغط
ونفس حالة السخط
وبرضه ثرت وقلت
ما تجيب قناة تانية
احببت ما قرأت و اختيار العنوان جميل كمان ، موقع متنوع ومعبر عن مكنونات شخصية تحمل تناقضات لا تسبب اي نوع من الصراع كونها تتكامل لتكون شخص مختلف لسطوره حضور يتشابه معه اي متفرد .
ردحذف