الخميس، 19 مارس، 2009

أيس كريم فى جليم





أيس كريم فى جليم أنتاج سنة 1992, وقتها كان عندى 9 سنين، أكيد لما اتعرض فى التليفزيون كان عندى مثلا كده يجى 11 سنه؟؟؟؟؟؟؟ ممكن برضه، عموما أنا بحب الفيلم ده قوووووى.
أيس كريم فى جليم التجربه الأكثر نجاحا فى أفلام عمرو دياب، واللى كانوا حوالى 4 أفلام تقريبا، العفاريت، ضحك ولعب وجد وحب، السجينتان.
الفيلم ده هو الفيلم الغنائى الوحيد فى وقتها فى التسعينات يعنى اللى نجح ولحد دلوقتى تقريبا.
وطبعا النجم أشرف عبد الباقى كان من أهم عوامل نجاح الفيلم ده من وجهة نظرى وده لأنه كان وقتها يعتبر الممثل الوحيد المحترف فى الفيلم ده، وباقى الأبطال تقريبا كانوا مطربين وموسيقين، وأكيد طبعا لخفة دمه المتناهيه، وموهبته اللى لا يمكن يختلف عليها اتنين.
كان الظهور الأول ل جيهان فاضل، وشاركها البطوله عزت أبوعوف، سيمون، حسين الأمام.
الفيلم من أخراج خيرى بشاره.

هناك تعليق واحد: