الاثنين، 9 مارس، 2009

أسف على الأزعاج


عندما يتحايل الأنسان على الواقع يزعج نفسه قبل الأخرين فهو يتحايل عليه بأن يرجع بالزمن الى الوراء أو العكس يتوقع ويتخيل أشياء لم تحدث بعد وهذا ما ازعجنى عندما شاهدت أسف على الأزعاج.
ساعات الأنسان بيبقى بيتمنى ترجع أيام هو أكتر واحد عارف كويس اوى أنها استحاله ترجع يمكن عشان الأشخاص اللى راحوا عمرهم ما بيرجعوا لكن ساعات بتعدى علينا لحظات نحاول فيها نعيش الماضى ده بأننا نحاول نرجعهم فعلا فقط فى خيالنا وفى نفس الوقت دايما بيبقى فى ناس لسه موجودين بنحاول نتوقع منهم حاجات بنشوفها بس فى خيالنا ونعيش معاهم حياه بنتمناها.
أحمد حلمى كان دايما هو الوحيد اللى بيقدر يضحكنى من كل الكومدينات الموجودين دلوقتى وده لأنه دايما بيعتمد على كوميديا الموقف وبيحترم عقلية المشاهد والنهارده هو بكانى فعلا فنان، بجد بحترم ذكائه وخطواته المحسوبه من أول مشهد ليه فى السينما من أول الأدوار البطوله التانيه الى البطوله المطلقه.
محمود حميده ده بقى كان ولازال فتى أحلامى من وأنا عندى 15 سنه بمووووووووووووووووووووت فيه بجد لكن الغريب أنى حسيت أنه كمان أب جميل جداااااااا وأتمنيت يبقى أبويه وكنت غيرانه من حلمى طول الفيلم، دوره أكتر من رائع وقدر يقنعنى فى مشاهد انه عايش ومشاهد النصف الأخير من الفيلم أنه ميت و مشاهده مع حلمى أكتر من رائعه.
منه شلبى دورها كان السهل الممتنع وديتو هايل مع حلمى من أول مره اشتغلوا فيها مع بعض فى كده رضا, أجمل حاجه فى الفيلم حواره الذكى جدااااااااااااااا واللى بيتألق فيه أيمن بهجت قمر فى تانى تجاربه السينمائيه.
مش عيب أن الأنسان يفضل بينه وبين الماضى خيط هو الوحيد القادر على وصله وقطعه ومش عيب أنه يعيش فى خياله مع ناس موجودين فعلا حياه بيتمناها بس العيب أنه يزعج نفسه ويزعج الأخرين بحاجات ممكن تسعده بدل ما تكون السبب فى أزعاجه.
كتبت فى يوليو 2008

هناك 9 تعليقات:

  1. مها كلامك عالي أوي
    لكن في حاجه انا حابب اقولها

    الماضي اللي بيعدى ده مش علشان نرميه ورا ضهرنا
    ده بنتعلم منه اكتر من النهارده...
    لأنه حدث + شخص + نتيجة
    نا عن نفسي .. باتمنى اكون انسان قديم
    وهاتعرفي قريب ف كتابي معنى كلمتي دي

    كلامك رائع يا مها...تحياتي
    Mahmoud Amin So'ody at 2:45pm July 25, 2008

    ردحذف
  2. Nice words..Maha.. begad so simple..we Film 3aly Awy
    Sameh Dawood at 4:01pm July 25, 2008

    ردحذف
  3. al film to7fa ana d7lth wanty ra23a ya maha love uuuuuuuuuu
    Aleya Nabil at 5:30pm July 25, 2008

    ردحذف
  4. فيلم رائع رائع رائع رائع

    صلح كتير اوي من العك اللي شفناه في السينما في الفترة اللي فاتت

    هتعمل ايه لو نمت يوم وصحيت بصيت..وشوفت نفسك في المرايا بكيت...
    جواك سؤال تصرخ تقول انا مين..انا مين...انا زي مانا ولا اتقسمت اتنين...وبعدين؟؟؟

    قول ياللي في المرايا فهمني ايه الحكاية...فرحان تعبان مرتاح

    وادي لنك الاغنية هديكي ليكي يا مها
    http://rs28.rapidshare.com/files/131062863/ShababGamed.Com_-_Sherine_-_Hate_mel_Eih.mp3
    =======

    انا بقول مها بس
    Mohammed Shebl at 9:37am July 27, 2008

    ردحذف
  5. كده هتخلينى ادخله يا مها
    Marwa Rakha at 11:35am July 25, 2008

    ردحذف
  6. msh 3arf 2a2ol eih 3'er enk bgd olty elly kont nefsi 2a2olo .. makontsh la2y kalam 2a2olo 3ashn makontsh fahem 7agat kter b3d el film da .. i think ya maha el kalemat el baseta elly enta katbha kanat akber mn elly kont nawy 2a2olo .. l2n el film kan baset w maknsh baset fy 3a2lo da kan by7term 3a2l elly bytfarag w hoa da ser naga7 ahmed helmy ..
    Ahmed Reda Sayed at 2:11pm July 28, 2008

    ردحذف
  7. يمكن يكون ردي متأخر شوية
    بس أنا لسة شايف الفيلم دلوقتي

    الفيلم تحفة بجد وأنا بيعجبني قوي نقدك للأفلام يا مها
    Islam Maher at 2:09pm November 8, 2008

    ردحذف
  8. محمود وسامح وعليه ميرسى قووووووووووووووووووووووووووى أما بقى محمد فا مش عارفين نشكر سعتك ازاى على الأغنيه.
    Maha Elenany at 10:47am July 27, 2008

    ردحذف
  9. جميل ياميهو اوى تسلم ايدك واسف ع الازعاج ده بجد فيلم تحفة من اخراج لتمثيل لكل حاجة فيه

    ردحذف